د افغان ټولنیز بازار موندنې سازمان (ASMO) د اجرایوي رییس په توګه، دا د ویاړ او امتیاز خبره ده چې د ملیونونو افغانانو په ځانګړي ډول د ښځو او ماشومانو د روغتیا او هوساینې د بدلون لپاره خپل لید او ژمنې شریکوو. موږ باور لرو چې هر افغان د باکیفیته اړینو روغتیایی محصولاتو او خدماتو ته د مساوي لاسرسي مستحق دی.

موږ ژمن یو چې د ټولنې پر بنسټ د نوښتګرو هڅو د پلي کولو او د افغانستان په پنځو لویو ولایتونو کې د 3,000 درملتونونو او 500 قابله ګۍ کلینیکونو او ګڼ شمیر خصوصي روغتونونو د یوې قوي شبکې سره د کار کولو له لارې مستقیم خدمتونه وړاندې کړو. ورسره په یو وخت په 27 ولایتونو کې په 200 ښارګوټو او ناحیو کې په غیر مستقیم ډول بنسټیز روغتیايي محصولات او خدمتونه، تغذیه، پاکې اوبه او حفظ الصحه ان تر ټولو لیرې پرتو او محرومو سیمو پورې ورسوو. زموږ موخه دا ده چې دا خدمتونه او محصولات په لوړ کیفیت او مناسبه بیه د ټولنې ټولو اړمنو برخو ته وړاندې شي.

د ټولنیز بازار موندنې او مثبت چلند بدلون په لټه کې، موږ د ډله ایزو رسنیو، ټولنیزو رسنیو، او د ټولنې د هڅولو په کارولو سره د پوهاوي پراخ کمپاینونه ترسره کوو ترڅو تقاضا رامینځته کړو او د کیفیت لرونکي FP، تغذیې او WASH محصولاتو او خدماتو دوامداره کارونې ته وده ورکړو او افراد او ټولنې د باخبره روغتیا انتخابونو کولو لپاره ځواکمن کړو.

په ګډه، د خپلو شریکانو په ملاتړ او زموږ د ټیم د وقف سره، موږ د افغانستان لپاره یو روغ راتلونکی جوړوو. موږ تاسو ته بلنه درکوو چې په دې سفر کې زموږ سره یوځای شئ ځکه چې موږ د ملیونونو افغانانو په ځانګړې توګه د ښځو او ماشومانو د روغتیا او معیشت د ښه کولو لپاره خپل ماموریت ته دوام ورکوو.
ستاسو د ملاتړ او د بدلون راوستلو ژمنې څخه مننه.